مجھ سے پہلی سی محبت میری محبوب نہ مانگ
مجھ سے پہلی سی محبت میری محبوب نہ مانگ
فیض احمد فیض
1
مجھ سے پہلی سی محبت میری محبوب نہ مانگ
2
میں نے سمجھا تھا کہ تو ہے تو درخشاں ہے حیات
3
تیرا غم ہے تو غمِ دہر کا جھگڑا کیا ہے
4
تیری صورت سے ہے عالم میں بہاروں کو ثبات
5
6
اور بھی دکھ ہیں زمانے میں محبت کے سوا
7
راحتیں اور بھی ہیں وصل کی راحت کے سوا
8
انگنت صدیوں کے تاریک بہیمانہ طلسم
9
ریشم و اطلس و کمخواب میں بنوائے ہوئے
10
11
جا بجا بکتے ہوئے کوچہ و بازار میں جسم
12
خاک میں لتھڑے ہوئے خون میں نہلائے ہوئے
13
جسم نکلے ہوئے امراض کے تنوروں سے
14
پیپ بہتی ہوئی گلتے ہوئے ناسوروں سے
15
16
لوٹ جاتی ہے ادھر کو بھی نظر کیا کیجے
17
اب بھی دلکش ہے تیرا حسن مگر کیا کیجے
18
اور بھی دکھ ہیں زمانے میں محبت کے سوا
19
راحتیں اور بھی ہیں وصل کی راحت کے سوا